Tərkibi: sulodeksid 600 LSU. Farmakoterapevtik qrup: antikoaqulyant. İstifadəsinə göstərişlər: tromb əmələ gəlməsi riskinin artması ilə müşayiət olunan angiopatiyalar (miokard infarktından sonra daxil olmaqla); serebrovaskulyar qəza (işemik insult və erkən sağalma dövrü daxil olmaqla); ateroskleroz, şəkərli diabet, arterial hipertenziya səbəbindən yaranan diskirkulyator ensefalopatiya; damar demensiyası; periferik arteriyaların okklyuziv zədələnmələri (aterosklerotik və diabetik mənşəli daxil olmaqla); flebopatiya, dərin venaların trombozu; şəkərli diabetdə mikroangiopatiya (nefropatiya, retinopatiya, neyropatiya) və makroangiopatiya (diabetik ayaq sindromu, ensefalopatiya, kardiopatiya); trombotik vəziyyətlər, antifosfolipid sindromu (asetilsalisil turşusu ilə kombinasiyalı terapiyanın bir hissəsi kimi); heparinlə induksiya olunmuş trombotik trombositopeniyanın inkişafı halında terapiyaya davamı kimi. İstehsalçı: Alfasigma, İtaliya.
